Դեսպան Արտաշես Թումանյանի հանդիպումը Իրանի տրանսպորտային ֆեդերացիայի վարչության անդամների հետ

19 հուլիսի, 2016

Հուլիսի 19-ին ԻԻՀ-ում ՀՀ դեսպանատանը տեղի ունեցավ ՀՀ արտակարգ և լիազոր դեսպան Արտաշես Թումանյանի հանդիպումն Իրանի տրանսպորտային ֆեդերացիայի վարչության անդամների հետ:
Ներկայացնելով ֆեդերացիայի կարողությունները՝ պատվիրակության ներկայացուցիչները ՀՀ դեսպանին հայտնեցին իրենց կազմակերպության մոտեցումները հյուսիս-հարավ տրանսպորտային միջանցքի և Հայաստանի դերակատարման մասին: Նշվեց, որ ներկայումս Իրանից դեպի Եվրոպա տարանցիկ բեռնափոխադրումները հիմնականում իրականացվում են Թուրքիայի միջոցով, սակայն այդ ճանապարհն անվտանգ չէ, և անհրաժեշտություն է առաջացել մտածելու այլընտրանքային տարանցիկ ուղիների մասին:
Դեսպան Ա. Թումանյանը տեղեկացրեց պատվիրակության անդամներին, որ ՀՀ համապատասխան պետական մարմինները պատրաստ են ընդունել Իրանի տրանսպորտային ֆեդերացիայի վարչության ներկայացուցիչներին, քննարկել բարձրացված հարցերը և իրականացնել համագործակցության ծրագրեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր