Երկկողմ հարաբերություններ

Ընդհանուր տեղեկություններ

Հայաստանի Հանրապետության և Իրանի Իսլամական Հանրապետության միջև

դիվանագիտական հարաբերությունները հաստատվել են 1992թ. փետրվարի 9-ին: Հայաստանի Հանրապետության դեսպանությունը սկսել է գործել Թեհրանում 1992թ. դեկտեմբերից:

Հայաստանի Հանրապետության և Իրանի Իսլամական Հանրապետության միջև ձևավորված է միջխորհրդարանական բարեկամական խումբ: Երկու երկրների միջև գործում է պարբերաբար միջկառավարական համատեղ հանձնաժողովը, որի 17-րդ նիստը կայացել է 2022թ. մայիսի 10-12-ին Երևանում:

Հայաստանի Հանրապետության և Իրանի Իսլամական Հանրապետության բարձրաստիճան պաշտոնատարների և ոլորտային գերատեսչությունների ղեկավարների միջև պարբերաբար իրականացվող հանդիպումներն ու շփումները նպաստում են քաղաքական և տնտեսական բազմաշերտ համագործակցության զարգացմանը:

Այցեր

Իրան

2022թ․ հունիս	Ալեն Սիմոնյան, ՀՀ ԱԺ նախագահ
2021թ․ հոկտեմբեր	Արարատ Միրզոյան, ՀՀ ԱԳ նախարար
2021թ․ օգոստոս	Նիկոլ Փաշինյան, ՀՀ վարչապետ
2019թ․ փետրվար	Նիկոլ Փաշինյան, ՀՀ վարչապետ

Հայաստան

2021թ․ հունվար	Մոհամմադ Ջավադ Զարիֆ, ԻԻՀ ԱԳ նախարար
2021թ. մայիս	Մոհամմադ Ջավադ Զարիֆ, ԻԻՀ ԱԳ նախարար
2019թ հոկտեմբեր	Հասան Ռոհանի, ԻԻՀ նախագահ

Ներբեռնել այցերի ողջ ցանկը

Իրավապայմանագրային դաշտ

Հայաստանի Հանրապետության և Իրանի Իսլամական Հանրապետության միջև գործում են փոխհարաբերությունների գրեթե բոլոր ոլորտներն ընդգրկող շուրջ 180 միջազգային պայմանագրեր, համաձայնագրեր, հուշագրեր և արձանագրություններ։
Երկու երկրների միջև հիմնարար փաստաթուղթը 1992թ. փետրվարին ստորագրված «Հայաստանի Հանրապետության և Իրանի Իսլամական Հանրապետության միջև հարաբերությունների սկզբունքների և նպատակների մասին» հռչակագիրն է:

Առևտրատնտեսական կապեր

Երկու երկրների միջև արդյունավետ համագործակցությունն ընթանում է էներգետիկայի, տրանսպորտի, բնապահպանության, միջմարզային, գիտակրթական և մշակութային ոլորտներում: Իրականացված ծրագրերից են՝ Արաքս գետի վրա կառուցված, Իրանը Հայաստանին կապող կամուրջը, Պուշկինի լեռնանցքի հողմաէլեկտրակայանները, Իրան-Հայաստան գազատարը՝ ներմուծված 1 խմ գազի դիմաց 3 կվտ ժամ էլեկտրաէներգիա փոխանակման ձևաչափով, Հայաստան-Իրան բարձրավոլտ էլեկտրահաղորդման 1-ին և 2-րդ գծերը, 3-րդ գծի շինարարական աշխատանքները գտնվում են ընթացքի մեջ: Առևտրատնտեսական կապերի զարգացման համար նպաստավոր պայմաններից է հանդիսանում զբոսաշրջությունը, որի Իրանից Հայաստան ժամանումների ցուցանիշներում շարունակաբար գրանցվել է աճ:

Հայաստանի Հանրապետության և Իրանի Իսլամական Հանրապետության միջև

ապրանքաշրջանառության ծավալները /ԱՄՆ դոլար/

Տարի	Արտահանում	Ներմուծում (ըստ ծագման երկրի)	Ներմուծում (ըստ արտահանող երկրի)
2021	55 մլն	388 մլն	325 մլն
2020	84,5 մլն	317 մլն	318 մլն
2019	84 մլն	325 մլն	325 մլն
2018	94 մլն	269 մլն	266 մլն

Ներմուծվող հիմնական արտադրատեսակներ

գազ
նավթամթերք
պոլիմերներ
պարարտանյութ
շինանյութեր

Արտահանվող հիմնական արտադրատեսակներ

էլեկտրաէներգիա
միս
անտառանյութ
մետաղի թափոններ

Թարմացված է 30.06.2022թ.

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր