ՀՀ դեսպանի հանդիպումը Իրանի առևտրի, արդյունաբերության, հանքերի և գյուղատնտեսության պալատի նախագահի միջազգային հարցերով տեղակալի հետ

23 հուլիսի, 2016

Հուլիսի 23-ին տեղի ունեցավ ԻԻՀ-ում ՀՀ դեսպանի հանդիպումը Իրանի առևտրի, արդյունաբերության, հանքերի և գյուղատնտեսության պալատի նախագահի միջազգային հարցերով տեղակալ Ֆարհադ Շարիֆի հետ:
Հանդիպման ընթացքում քննարկվեցին հայ-իրանական տնտեսական հարաբերությունների զարգացմանը նվիրված մի շարք հարցեր:
ՀՀ դեսպանը տեղեկացրեց, որ Հայաստանի զարգացման հիմնադրամի և Իրանի միջազգային ցուցահանդեսների ընկերության միջև ստորագրվել է փոխըմբռնման հուշագիր 2016 թ. հոկտեմբերի 5-8-ը Թեհրանի միջազգային ցուցահանդեսների սրահում «Հայաստան-Էքսպո» ցուցահանդեսի կազմակերպման համար: ՀՀ դեսպանն ընդգծել է Իրանի առևտրի պալատի հետ այս հարցում համագործակցության կարևորությունը:
Հանդիպման ընթացքում անդրադարձ կատարվեց իրանական գործարար շրջանակներին ՀՀ բանկային համակարգի հնարավորությունների ծանոթանալու, ենթակառուցվածքների և տրանսպորտային հաղորդակցությունը զարգացնելու, ինչպես նաև տարբեր բիզնես ծրագրերում հայկական սփյուռքի ներգարվման հարցեր:
Քննարկվեց նաև իրանական գործարար շրջանակներին ՀՀ օրենսդրությանը և տնտեսական ծրագրերին առնչվող տեղեկատվությամբ մշտապես ապահովելու խնդիրը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր