Դեսպան Թումանյանի այցը Ղազվին նահանգ

17 օգոստոսի, 2016

Oգոստոսի 17-ին ԻԻՀ-ում ՀՀ արտակարգ և լիազոր դեսպան Արտաշես Թումանյանը գործնական այցով մեկնել է Ղազվին նահանգ, հանդիպումներ ունեցել նահանգապետ Ֆերեյդուն Հեմմաթիի, Ղազվինի քաղաքապետ Մասուդ Նոսրաթիի, նահանգի Առևտրի, արդյունաբերության և հանքերի պալատի տնօրինության, գործարարների, ինչպես նաև Իսլամական ազատ համալսարանի ռեկտոր Մորթեզա Մուսախանիի և գիտխորհրդի անդամների հետ, այցելել է Ղազվինի «Ալբորզ» արդյունաբերական ավանի «Pakshoo» քիմիական արտադրական համալիր և «Kashi Pars» սալիկների գործարան: Այցի շրջանակներում ՀՀ դեսպան Արտաշես Թումանյանը եղել է նաև ձեռնարվեստի թանգարանում և Սուրբ Հռիփսիմե եկեղեցում:
Ղազվինում գործարարների հետ հանդիպման ընթացքում վերջիններս ներկայացրել են Հայաստանում ներդրումային ծրագրեր իրականացնելու վերաբերյալ մի շարք առաջարկություններ: Արտաշես Թումանյանն իրանական կողմի հետ քննարկել է հայ-իրանական տնտեսական, մշակութային և գիտակրթական ոլորտներին, ինչպես նաև միջմարզային և միջհամայնքային համագործակցությանն առնչվող խնդիրներ: Դեսպանը հույս է հայտնել, որ հոկտեմբերի 5-8-ը Թեհրանում կազմակերպվող «Armenia Expo 2016» հայկական ապրանքների և ծառայությունների ցուցահանդեսին կլինի Ղազվինի գործարար շրջանակների ակտիվ մասնակցություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր