Դեսպանի հանդիպումը Իրանի հայ արհեստավորների միության հետ

24 սեպտեմբերի, 2016

Սեպտեմբերի 24-ին «Արամ» սրահում տեղի ունեցավ ՀՀ դեսպան Արտաշես Թումանյանի հանդիպումը իրանահայ արհեստավորների միության անդամների հետ:
Ա. Թումանյանը ներկայացրեց Հայաստան-Իրան հարաբերությունների ներկա վիճակը, ինչպես նաև տնտեսական ոլորտում համագործակցության ծրագրերը, փոխադարձ ներդրումների ակտիվացման անհրաժեշտությունը, տնտեսական զարգացման առկա հնարավորությունները:
ՀՀ դեսպանը տեղեկացրեց ՀՀ օրենսդրության պահանջների, գործարար միջավայրի ցուցանիշների մասին:
Դեսպան Թումանյանը հանդիպման մասնակիցներին ներկայացրեց հոկտեմբերի 5-8-ը Թեհրանի միջազգային ցուցահանդեսների կենտրոնում անցկացվող հայկական ապրանքների և ծառայությունների ցուցահանդեսի մասին, որը կազմակերպվել է ՀՀ դեսպանության նախաձեռնությամբ:
Նշվեց, որ ցուցահանդեսին մասնակցում են 90-ից ավել ընկերություններ, որոնք ներկայացնում են Հայաստանի տնտեսության կարևոր ոլորտներ՝ տեղեկատվական տեխնոլոգիաներ, բանկային և ապահովագրական գործունեություն, գյուղատնտեսություն և սննդի արտադրություն, կարի, կոշիկի և կաշվե իրերի արտադրություն, ոսկերչություն և ադամանդագործություն, դեղագործություն, տուրիզմ և այլն:
Հայ արհեստավորները հարցեր ուղղեցին ՀՀ դեսպանին կապված Հայատանում տնտեսական գործունեություն իրականացնելու, հարկային և մաքսային ոլորտների, դատական համակարգի հետ, ինչպես նաև ՀՀ իշխանությունների կողմից ներդրումների խրախուսման և պաշտպանության ուղղությամբ ձևավորված քայլերի մասին:
Ներկաները հետաքրքրվեցին ցուցահանդեսի կազմակերպման հարցով:
Դեսպան Թումանյանը պատասխանեց ներկաների հարցերին, կոչ արեց արհեստավորներին հոկտեմբերի 5-ից 8-ը այցելել Հայաստան էքսպոյին, ինչպես նաև իրենց իրանցի գործընկերներին հորդորել հաճախել ցուցահանդես և հանդիպում ունենալ հայաստանյան ընկերությունների ներկայացուցիչների հետ:
Հանդիպման վերջում մասնակիցներին հանձնվեցին ցուցահանդեսին մասնակցելու հրավիրատոմսեր, քարոզչական և տեղեկատվական նյութեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր