«Հայաստան էքսպո 2016» ցուցահանդեսը Թեհրանում

10 հոկտեմբերի, 2016

Հոկտեմբերի 5-ին Թեհրանի միջազգային ցուցահանդեսների կենտրոնում բացվեց ՀՀ դեսպանության նախաձեռնությամբ կազմակերպված հայկական ապրանքների և ծառայությունների ցուցահանդեսը:
Բացման արարողությանը մասնակցեցին բազմաթիվ հյուրեր, իրանական և հայկական հարյուրավոր ընկերությունների ներկայացուցիչներ:
Ելույթներ ունեցան ԻԻՀ արդյունաբերության, հանքերի և առևտրի նախարարի տեղակալ Հոսեյն Էսֆահբոդին, ԻԻՀ-ում ՀՀ արտակարգ և լիազոր դեսպան Ա. Թումանյանը, Թեհրանի Հայոց թեմի առաջնորդ Տ. Սեպուհ Արք. Սարգսյանը, ՀՀ էկոնոմիկայի նախարարի տեղակալ Հ. Հովհաննիսյանը:
Ցուցահանդեսին իրենց արտադրանքով և ծառայություններով ներկայացան շուրջ հարյուր հայկական ընկերություններ: Հայկական տնտեսությունը ներկայացվեց հետևյալ ոլորտներով՝ տեղեկատվական տեխնոլոգիաներ, բանկեր, ապահովագրություն, գյուղատնտեսական ապրանքներ, սննդի արտադրություն, թեթև արդյունաբերություն, կարի արտադրանք, շինանյութերի արտադրություն, տրանսպորտ, զբոսաշրջություն և այլն:
Ցուցահանդեսի օրերին հայկական տաղավարը խիստ մարդաշատ էր. ընդհանուր առմամբ, այցելուների թիվը հասավ շուրջ 10.000-ի:
Գործարար շրջանակների միջև եղան բազմաթիվ օգտակար հանդիպումներ և տնտեսական ծրագրերի քննարկումներ: Առանձին ընկերություններ կնքեցին համագործակցության նախնական պայմանագրեր:
Ներկայումս ՀՀ դեսպանությունն ուսումնասիրում է հավաքված ողջ տեղեկատվությունը, հետևում գործընթացին և ըստ անհրաժեշտության՝ աջակցում կողմերի միջև համագործակցության հաստատման հարցերում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր