«Հայաստան» համահայկական հիմնադրամի միջոցառումը դեսպանությունում

24 նոյեմբերի, 2016

Նոյեմբերի 24-ին Թեհրանում Հայաստանի Հանրապետության դեսպանությունում տեղի ունեցավ «Հայաստան» համահայկական հիմնադրամի Իրանի տեղական մարմնի կազմակերպած դրամահավաք-միջոցառումը, որին մասնակցեցին Թեհրանի Հայոց թեմի առաջնորդ Սեպուհ արքեպիսկոպոս Սարգսյանը, թեմական խորհրդի ներկայացուցիչներ, Իրանի կաթողիկե հայոց եկեղեցու առաջնորդ Սարգիս եպիսկոպոս Դավթյանը և հիմնադրամի բազմաթիվ նվիրատուներ:
Միջոցառման մասնակիցներին «Հայաստան» համահայկական հիմնադրամի ներկայացուցիչ Արին Քարիմյանի կողմից ներկայացվեց հիմնադրամի կատարած աշխատանքը և ընթացիկ տարվա ծրագիրը:
Ելույթներով հանդես եկան Իրանի Իսլամական Հանրապետությունում Հայաստանի Հանրապետության արտակարգ և լիազոր դեսպան Արտաշես Թումանյանը և Թեհրանի Հայոց թեմի առաջնորդ Սեպուհ արքեպիսկոպոս Սարգսյանը:
Հայաստանի Հանրապետության դեսպանությունում կազմակերպված դրամահավաքին վաղ առավոտվանից իրենց մասնակցությունը ցուցաբերեցին հայ համայնքի բազմաթիվ ներկայացուցիչներ, որոնց զգալի մասն անցած տարիներին եղել է «Հայաստան» համահայկական հիմնադրամի մշտական նվիրատուն և համահայկական բազմաթիվ այլ ծրագրերի ակտիվ մասնակիցը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր