Դեսպանի հանդիպումն «Իրանռադիատոր» ընկերության գործադիր տնօրենի հետ

14 դեկտեմբերի, 2016

Դեկտեմբերի 14-ին Իրանում ՀՀ դեսպան Արտաշես Թումանյանը այցելեց «Իրանռադիատոր» ընկերության Թեհրանի գրասենյակ և հանդիպեց ընկերության գործադիր տնօրեն Նադեր Շաքիբի հետ:
Ի դեպ, ս.թ. նոյեմբերի 1-2-ին Գիլանի նահանգ կատարած այցելության ընթացքում Արտաշես Թումանյանը եղել էր Ռաշթ քաղաքի արդյունաբերական գոտիում գտնվող վերոնշյալ ձեռնարկությունում:
Հանդիպման ժամանակ ՀՀ դեսպանն առաջարկեց քննարկել ընկերության՝ Հայաստանում ներդրումային ծրագիր իրականացնելու և ԵԱՏՄ երկրների շուկա մուտք գործելու հնարավորությունները:
Ընկերության գործադիր տնօրեն Նադեր Շաքիբն սկզբունքորեն ընդունեց դեսպանի առաջարկությունը: Քննարկվեցին ՀՀ օրենսդրությանը և գործարար միջավայրին առնչվող մի շարք խնդիրներ: Նադեր Շաքիբը խոստացավ ընկերությանը հետաքրքրող նախնական հարցադրումները ներկայացնել հայկական կողմին և նախապատրաստել ներդրումային գործարար ծրագիր:
Այցին մասնակցեց նաև ՀՀ դեսպանի օգնական Արին Քարիմյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր