ՀՀ ԱԺ փոխնախագահի այցը Թեհրան

11 հունվարի, 2017

Հունվարի 9-ին Թեհրան ժամանեց ՀՀ Ազգային ժողովի փոխնախագահ Էդուարդ Շարմազանովը՝ հաջորդ օրն ԻԻՀ Համակարգի նպատակահարմարությունը որոշող խորհրդի նախագահ, ԻԻՀ նախկին նախագահ Ալի Աքբար Հաշեմի Ռաֆսանջանիի թաղման արարողությանը մասնակցելու նպատակով:
Հունվարի 11-ին ՀՀ ԱԺ փոխնախագահը Թեհրանի ազգային առաջնորդարանում հանդիպեց Թեհրանի հայոց թեմի առաջնորդ Սեպուհ արքեպիսկոպոս Սարգսյանի հետ: Հանդիպման ընթացքում զրուցակիցները կարևորեցին Հայ Առաքելական Եկեղեցու բացառիկ դերակատարումը հայապահպանության, հոգևոր, բարոյական և ազգային արժեքների պահպանման ու տարածման գործում և Հայաստանի Հանրապետություն-Սփյուռք-Արցախ եռամիասնության ամրապնդումը:
Իրան կատարած այցի շրջանակներում ՀՀ ԱԺ փոխնախագահը նաև եղավ ԻԻՀ-ում ՀՀ դեսպանությունում, որտեղ հանդիպեց դեսպան Արտաշես Թումանյանի և դեսպանության անձնակազմի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր