Թեհրանի միջազգային զբոսաշրջության 10-րդ ցուցահանդեսը

06 փետրվարի, 2017

Փետրվարի 6-ին Թեհրանի միջազգային ցուցահանդեսների կենտրոնում տեղի ունեցավ «Թեհրանի միջազգային զբոսաշրջության 10-րդ ցուցահանդեսի» բացման արարողությունը, որին հրավիրված էին Լիբանանի, Հարավային Աֆրիկայի զբոսաշրջության նախարարները, ԻԻՀ-ում հավատարմագրված օտարերկրյա դեսպաններ:
Բացման արարղությանը ելույթներով հանդես եկան ԻԻՀ նախագահի, մշակութային ժառանգության, ձեռնարվեստի և զբոսաշրջության կազմակերպության նախագահ Զահրա Ահմադիփուրը, ԻԻՀ մշակույթի և իսլամական առաջնորդման նախարար Սեյեդռեզա Սալեհի Ամիրին:
«Թեհրանի միջազգային զբոսաշրջության 10-րդ ցուցահանդեսին» մասնակցեցին հայկական վեց տուրիստական գործակալությունների, ինչպես նաև «Հայ խոհարարական ավանդույթների զարգացման և պահպանման» հասարակական կազմակերպության ներկայացուցիչները:
ՀՀ դեսպանությունը տեխնիկական և նյութական աջակցություն էր ցուցաբերել ցուցահանդեսի մասնակից հայկական ընկերություններին:
Ցուցահանդեսին ներկա գտնվեցին ԻԻՀ-ում ՀՀ դեսպան Արտաշես Թումանյանը և դեսպանության անձնակազմը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր