ՀՀ տնտեսական զարգացման և ներդրումների նախարարի տեղակալ Էմիլ Տարասյանի գլխավորած պատվիրակության այցը Իրան

13 փետրվարի, 2017

Փետրվարի 11-13-ը Թեհրանում էր գտնվում ՀՀ տնտեսական զարգացման և ներդրումների նախարարի տեղակալ Էմիլ Տարասյանի գլխավորած պատվիրակությունը:
Փոխնախարար Տարասյանը հանդիպեց Իրանի նանոտեխնոլոգիայի նախաձեռնության խորհրդի (Iran Nanotechnology Initiative Council - INIC) քարտուղար Սայիդ Սարքարի հետ, որի ընթացքում քննարկվեցին նանոտեխնոլոգիաների ոլորտում համագործակցության հարցերը: Հայկական պատվիրակությունը այցելեց նանոտեխնոլոգիական լաբորատորիաներ, «Շարիֆ» տեխնոլոգիական համալսարան, ծանոթացավ IROST (Iranian Research Organization for Science and Technology)-ում գործող իրանական ընկերությունների աշխատանքներին: Այցի արդյունքում Էմիլ Տարասյանը և Սայիդ Սարքարը նախաստորագրեցին ՀՀ և ԻԻՀ միջև գիտատեխնոլոգիական համագործակցության մասին փոխըմբռնման հուշագիր:
ՀՀ տնտեսական զարգացման և ներդրումների փոխնախարարը հանդիպել է նաև Իրանի ստանդարտների ազգային կազմակերպության նախագահի ստանդարտների վերահսկման հարցով տեղակալ Վահիդ Մարանդի Մողադամի հետ: Քննարկվել են որակի և սերտիֆիկացման բնագավառում (այդ թվում՝ «հալալ») ՀՀ և ԻԻՀ պետական և ոչ պետական համապատասխան կառույցների համագործակցության խնդիրները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր