Դեսպան Թումանյանը հանդիպեց իրանական պարբերականների գլխավոր խմբագրի հետ

06 հունիսի, 2017

Հունիսի 6-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց «Kish Air», «Today’s Architect & Fashion» (5000 տպաքանակ) և «Darvishi» (7000 տպաքանակ) իրանական եռամսյակային պարբերականների գլխավոր խմբագիր Մորթեզա Ռահիմնավազին:

Հանդիպման ընթացքում վերջինս, ներկայացնելով իրենց հրատարակչական գործունեությունը, նշեց, որ վերը նշված պարբերականները նպատակ ունեն իրանցի ընթերցողին տեղեկատվություն տրամադրել օտար երկրների մասին, այդ թվում՝ ճարտարապետության, մշակույթի, տնտեսության առանձին ոլորտների (թանկարժեք քարերի, հագուստի արտադրության և այլն), զբոսաշրջային ներուժի վերաբերյալ:

Գլխավոր խմբագիրն իր պատրաստակամությունը հայտնեց առաջիկա ամիսներին Հայաստանի վերոհիշյալ բնագավառների վերաբերյալ տեղեկատվական նյութեր հրատարակել՝ հայկական կողմի հետ շարունակական համագործակցության ակնկալիքով:

Դեսպան Թումանյանը, կարևորելով տարբեր ոլորտներում Հայաստան-Իրան փոխճանաչողության մակարդակի բարձրացումը, խոստացավ աջակցել հրատարակչության պատասխանատուների՝ հայկական կողմի հետ կապերի հաստատման և հանդիպումների կազմակերպման հարցերում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր