ՀՀ էներգետիկայի նախարարության պատվիրակության այցը Թեհրան

04 փետրվարի, 2018

Փետրվարի 3-4-ին Թեհրանում էր գտնվում ՀՀ էներգետիկայի նախարարության պատվիրակությունը՝ փոխնախարար Հայկ Հարությունյանի գլխավորությամբ:

ԻԻՀ-ում ՀՀ արտակարգ և լիազոր դեսպան Արտաշես Թումանյանի մասնակցությամբ հայկական պատվիրակությունը հանդիպումներ ունեցավ ԻԻՀ էներգետիկայի նախարարությունում և Իրանի Գազի ազգային ընկերությունում:

Փոխնախարարներ Համիդ Ռեզա Արաղիի և Հոմայուն Հայերիի հետ հանդիպումների ժամանակ քննարկվեցին էներգետիկայի և գազի ոլորտում հայ-իրանական համատեղ ծրագրերի և երկկողմ համագործակցության մի շարք հարցեր:

Մասնավորապես, քննարկվեցին 3-րդ բարձրավոլտ գծի կառուցման, Մեղրիի ՀԷԿ-ի նախագծի, գազի և էլեկտրաէներգիայի փոխանակման ծավալների ավելացման, Երևանում կայանալիք Հայաստան-Իրան միջկառավարական հանձնաժողովի առաջիկա համատեղ նիստի կազմակերպմանն առնչվող մի շարք հարցեր:

Քննարկումներ եղան նաև էներգետիկայի և հատկապես գազի ոլորտին վերաբերող տարածաշրջանային ծրագրերի իրականացման խնդիրների շուրջ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր