«Uranus» ընկերության հիմնադիր տնօրենի այցը ՀՀ դեսպանություն

18 փետրվարի, 2018

Փետրվարի 18-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց իրանական «Uranus» արհեստական քարերի, շինարարական նյութերի, սանտեխնիկական սարքերի արտադրական ընկերության հիմնադիր տնօրեն Մ. Ջահանգիրիին, որը դեսպան Թումանյանի՝ Բուշեհր նահանգ կատարած այցի ընթացքում մասնակցել էր տեղի առևտրի, արդյունաբերության, հանքերի և գյուղատնտեսության պալատում կազմակերպված հանդիպմանը:

«Uranus»-ի հիմնադիր տնօրենը ներկայացրեց իրենց ընկերության գործունեությունը և պատրաստակամություն հայտնեց քննարկել Հայաստանում ներդրումային ծրագրեր իրականացնելու հնարավորությունները:

Քննարկման արդյունքում պայմանավորվածություն ձեռք բերվեց ընկերության ներկայացուցիչներին գործուղել Հայաստան՝ տեղում պայմաններին ծանոթանալու նպատակով:

Դեսպան Թումանյանը խոստացավ աջակցել պետական և այլ մարմինների ներկայացուցիչների հետ հանդիպումների կազմակերպման հարցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր