Դեսպան Թումանյանն ընդունեց Սպահանի միջազգային ցուցահանդեսների կենտրոնի տնօրենին

24 փետրվարի, 2018

Փետրվարի 24-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց «Իրան-Հայաստան բարեկամության միություն» հասարակական կազմակերպության գործադիր տնօրեն Մոհամադռեզա Դամավանդիին և Սպահան նահանգի միջազգային ցուցահանդեսների կենտրոնի տնօրեն Մեհդի Լաթիֆիին:

Դեսպան Թումանյանը հյուրերին տեղեկություններ հաղորդեց ՀՀ տնտեսության, Հայաստան-Իրան տնտեսական համագործակցության և առաջիկա ծրագրերի մասին:

Մ. Լաթիֆին դեսպան Թումանյանին ներկայացրեց ցուցահանդեսների կենտրոնի գործունեությունը, 2018 թ. նախատեսվող միջոցառումների ծրագիրը, ինչպես նաև առաջարկություններ՝ տեղեկատվության ոլորտում համագործակցության ուղղությամբ:

Քննարկումների արդյունքում համաձայնություն ձեռք բերվեց վերը նշված ոլորտներում երկու կողմերի համապատասխան կառույցների միջև գործնական կապերի հաստատման հարցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր