Դեսպան Թումանյանն ընդունեց «Zamiran» ընկերության ներկայացուցչին

12 մարտի, 2018

ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց իրանական «Zamiran» ընկերության հիմնադիր և գլխավոր խորհրդատու Էդվարդ Բաբախանյանին:

Վերջինս դեսպան Թումանյանին ներկայացրեց ընկերության գործունեությունը, որն ավելի քան 40 տարի զբաղվում է գեոտեխնիկական, գեոֆիզիկական և բնապահպանական ծառայությունների մատուցմամբ: Է. Բաբախանյանը հայտնեց ինչպես իր մասնագիտական կարողությունները, այնպես էլ «Zamiran» ընկերության հնարավորությունները Հայաստանում օգտագործելու պատրաստակամության մասին:

ՀՀ դեսպանը, ողջունելով ընկերության ներկայացուցչի՝ Հայաստանում գործունեություն սկսելու պատրաստակամությունը, խոստացավ աջակցել նշված ծրագրերի կենսագործմանը:

Քննարկումների արդյունքում պայմանավորվածություն ձեռք բերվեց ս.թ. ապրիլ ամսվա ընթացքում կազմակերպել «Zamiran» ընկերության ներկայացուցիչների գործուղումը Հայաստան, ինչպես նաև կազմակերպել մասնագիտական մի շարք հանդիպումներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր