Դեսպան Թումանյանը հանդիպեց ԻԻՀ նավթի փոխնախարարի հետ

15 ապրիլի, 2018

Ապրիլի 15-ին Իրանի Գազի ազգային ընկերությունում տեղի ունեցավ ԻԻՀ-ում ՀՀ արտակարգ և լիազոր դեսպան Արտաշես Թումանյանի հանդիպում ԻԻՀ նավթի նախարարի տեղակալ և Գազի ազգային ընկերության գործադիր տնօրեն Համիդ Ռեզա Արաղիի հետ:

Հանդիպման ընթացքում քննարկվեցին էներգետիկայի ոլորտում հայ-իրանական հարաբերություններին առնչվող մի շարք խնդիրներ:

ՀՀ դեսպանը և ԻԻՀ նավթի փոխնախարարը հանգամանորեն անդրադարձան փետրվարի 26-ից 27-ը Երևանում կայացած Հայ-իրանական միջկառավարական համատեղ հանձնաժողովի 15-րդ նիստի ընդունած որոշումների կատարման ուղղությամբ իրականացվելիք միջոցառումներին: Մասնավորապես, քննարկվեցին գազ-էլեկտրաէներգիա փոխանակման ծրագրի զարգացման, գազի ոլորտում երկկողմ և բազմակողմ համագործակցության խնդիրները:

Քննարկման արդյունքում պայմանավորվածություն ձեռք բերվեց առաջիկայում կազմակերպել երկու կողմի պաշտոնյաների և մասնագետների հանդիպումներ՝ 2018 թ. իրականացվելիք ծրագրերի շուրջ միջոցառումների հստակեցման համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր