Հայաստանի առաջին Հանրապետության 100-ամյակին նվիրված միջոցառումներ Թեհրանում

28 մայիսի, 2018

Մայիսի 28-ին ԻԻՀ-ում ՀՀ դեսպանության նախաձեռնությամբ տեղի ունեցավ Հայաստանի առաջին Հանրապետության հռչակման 100-ամյակին նվիրված համայնքային խոշոր միջոցառում:

Նախաձեռնության շրջանակներում ԻԻՀ-ում ՀՀ դեսպան Արտաշես Թումանյանը հանդիպումներ ունեցավ «Մարի Մանուկյան» միջնակարգ և «Գյուլբենկյան» տարրական դպրոցների տնօրինության, ուսուցչական կազմի, աշակերտների և Հայկական բարեգործական ընդհանուր միության (ՀԲԸՄ) Իրանի մասնաճյուղի ներկայացուցիչների հետ:

Միջոցառման ընթացքում «Գյուլբենկյան» դպրոցի սաները հանդես եկան համերգային ծրագրով, որի ավարտին դեսպան Թումանյանը շնորհավորական խոսքեր հնչեցրեց և մասնակցեց հասարակական և մարզական ակտիվությամբ աչքի ընկած աշակերտներին պատվոգրեր հանձնելու արարողությանը:

Դեսպան Թումանյանը «Մարի Մանուկյան» դպրոցում նաև ներկա գտնվեց քննությունների անցկացմանը:

ՀԲԸՄ Իրանի մասնաճյուղի ղեկավարության և անձնակազմի հետ հանդիպման ժամանակ տեղի ունեցավ օրվա առիթով մտքերի փոխանակություն և դեսպան Թումանյանը հանդես եկավ ելույթով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր