Թեհրանի քաղաքապետարանի 5-րդ վարչական շրջանում նշվեց «Ծառատունկի օրը» արտասահմանցի հյուրերի ներկայությամբ

06 մարտի, 2023

Մարտի 6-ին Թեհրանի 5-րդ վարչական շրջանի Ջավանմարդ այգում նշվեց «Ապագա սերունդների համար երկրագնդի պահպանման միջազգային օրը»:

Ծառատունկի միջացառումը տեղի ունեցավ Թեհրանի 5-րդ վարչական շրջանի, Ասիական քաղաքապետների ֆորումի և ԻԻՀ ԱԳՆ-ի Կանանց միության համագործակցությամբ:

Միջոցառմանը ներկա էին տիկ. Ամիրաբդոլլահիանը՝ ԻԻՀ Արտաքին գործերի նախարարի կինը, պրն. Էհսան Շարիֆին՝ նույն վարչական շրջանի ղեկավարը, պրն. Ղոլամզադեն՝ Թեհրանի քաղաքապետարանի միջազգային կապերի վարչության պետ և Ասիական քաղաքապետների ֆորումի ընդհանուր քարտուղարը, Լանդին՝ Թեհրանի քաղաքապետարանի Կանանց հարցերի գլխավոր վարչության ներկայացուցիչը:

Ծրագրին ներկա էին ԻԻՀ-ում հավատարմագրված դեսպանների ու դիվանագիտական ներկայացուցչությունների ղեկավարների տիկնայք՝ այդ թվում Հայաստանի, Բրունեյ Դարուսսալամի, Կուբայի, Սիրիայի, Չինաստանի, Թաիլանդի, Ալժիրի, Ղազախստանի, Զիմբաբվեի, Ուրուգվայի, Հարավաֆրիկյան Հանրապետության, Մեքսիկայի, Ֆիլիպինների, ինչպես նաև ներկայացուցիչներ Միավորված ազգերի կազմակերպության զարգացման ծրագրից, ՄԱԿ-ի Աֆղանստանում աջակցության առաքելությունից և Տնտեսական համագործակցության կազմակերպությունից (ԷԿՕ )։

Միջոցառման ընթացքում կանայք տնկեցին խնձորի և ձիթապտղի ծառեր:

Պրն. Ղոլամզադէն իր ելույթի ժամանակ նշեց, որ ծառատունկի ավանդույթը շեշտադրում է շրջակա միջավայրի պահպանության անհրաժեշտությունն ու կարևորությունը, իսկ դեսպանների կանանց մասնակցությունն առավել գեղեցկացնում է օրվա խորհուրդը, մասնակցություն, որը երկրների բարեկամության ու դրական հարաբերությունների նշան է:

https://shahr.ir/news/33350

https://newspaper.hamshahrionline.ir/id/187326/%D8%AF%D8%B1%D8%AE%D8%AA%DA%A9%D8%A7%D8%B1%DB%8C-%D9%87%D9%85%D8%B3%D8%B1%D8%A7%D9%86-%D8%AF%DB%8C%D9%BE%D9%84%D9%85%D8%A7%D8%AA%E2%80%8C%D9%87%D8%A7.html

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր