«Հայաստան-Իրան հազարամյակների բարեկամությունը և տարածաշրջանային զարգացումները» խորագրով կլոր սեղան-քննարկում

31 մայիսի, 2023

Մայիսի 31-ին Երևանի պետական համալսարանի Արևելագիտության ֆակուլտետի Իրանագիտության ամբիոնում տեղի է ունեցել «Հայաստան-Իրան հազարամյակների բարեկամությունը և տարածաշրջանային զարգացումները» խորագրով կլոր-սեղան քննարկում:

Թեհրանի համալսարանի Կովկասյան հետազոտությունների ինստիտուտի պատվիրակությունն այցելել էր ամբիոն՝ քննարկելու հայ-իրանական գիտակրթական համագործակցությանն առնչվող հարցեր։

Երկու բուհերի պրոֆեսորադասախոսական կազմի ներկայացուցիչները հանդես են եկել «Հետխորհրդային շրջանում Ադրբեջանի մարդահամարները և իրանական ժողովուրդները (քրդեր, թալիշներ, թաթեր)», «Սյունիքի մարզում Իրանի և Ռուսաստանի ներկայությունը՝ որպես տարածաշրջանային մարտահրավերների հակակշիռ» և այլ թեմաներով զեկուցումներով:

Կողմերը քննարկել են իրանագիտությանը, տարածաշրջանային արդի խնդիրներին և գործընթացներին վերաբերող գիտական հարցեր, ինչպես նաև Թեհրանի համալսարանի Կովկասյան հետազոտությունների ինստիտուտի հետ համագործակցության ուղղություններն ու ձևաչափերը:

Երևանի պետական և Թեհրանի համալսարանների միջև կնքված հուշագրի համաձայն՝ ԵՊՀ իրանագիտության ամբիոնում գործելու է Թեհրանի համալսարանի Կովկասյան հետազոտությունների ինստիտուտի ներկայացուցչությունը, ինչի շնորհիվ կմշակվեն բակալավրիատական և մագիստրոսական համատեղ ծրագրեր, կկազմակերպվեն կլոր սեղան-քննարկումներ, գիտաժողովներ և համատեղ այլ ծրագրեր:

Նշենք, որ քննարկմանը ներկա էին ԵՊՀ արևելագիտության ֆակուլտետի դեկան Ռուբեն Մելքոնյանը, իրանագիտության ամբիոնի վարիչ Վարդան Ոսկանյանը, ԻԻՀ Թեհրանի համալսարանի քաղաքական և իրավաբանական գիտությունների ֆակուլտետի դեկան Էբրահիմ Մոթաղին, նույն ֆակուլտետի և Կովկասյան հետազոտությունների կենտրոնի դասախոսներ Շիվա Ալիզադեն, Զահրատ Փուսթինչին և Ջաֆար Խաշեն, պրոֆեսորադասախոսական կազմի ներկայացուցչիներ, ուսանողներ:

https://ranking.am/iran-armenia-forum/

https://www.ysu.am/news/31634

https://www.youtube.com/live/yFvItBZd4T8?feature=share

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր