«ՊԱՏԿԵՐԻ ՊՈԵԶԻԱՆ» ԽՈՐԱԳՐՈՎ ՑՈՒՑԱԴՐՈՒԹՅՈՒՆ ՄԱՏԵՆԱԴԱՐԱՆՈՒՄ

02 մայիսի, 2024

Մայիսի 2-ից Մատենադարանում բացվել է «Պատկերի պոեզիան» խորագրով ցուցադրությունը` նվիրված իրանահայ նկարիչ Անդրե Սևրուգյանի 130-ամյակին:

Անդրե Սևրուգյանը ստեղծագործում էր հիմնականում պարսկական գեղանկարչության ու մանրանկարչության ոճով: Արվեստագետը սերտորեն կապված էր հայ ժողովրդի ու նրա պատմական անցյալի հետ։ Առավել հայտնի են նրա «Արտաշես և Սաթենիկ», «Գրիգոր Լուսավորիչ», «Շամիրամ կողբա Արայի մահը», «Վարդանանք», «Մուսա լեռան քառասուն օրը», «Սարդարապատ», «Զորավար Անդրանիկի մահը» ստեղծագործությունները:

Մատենադարանի տնօրեն Արա Խզմալյանն այս ցուցադրությունը համարել է երկու քաղաքակրթությունների ու մշակութային պատկանելության համերաշխության դրսևորում։ Միևնույն ժամանակ այն արտացոլում է Մատենադարանի տնօրենության որդեգած քաղաքականությունը՝ դիվերսիֆիկացնել ցուցադրությունները։ «Պատկերի պոեզիան» ցուցադրությանը ներկայացվելու են եզակի ձեռագրեր և Սևրուգյանի ստեղծագործական տարբեր փուլերին պատկանող հաստոցային գեղանկարներ, որոնք տեսնելու հնարավորութունն առաջին անգամ է տրվելու հանրությանը։

Ցուցադրությունը կայացել է Մայր Աթոռ Սուրբ Էջմիածնի թանգարանների հետ համագործակցությամբ, ինչպես նաև Հայաստանի պատմության թանգարանի, Երևանի պետական համալսարանի, Եղիշե Չարենցի անվան գրականության և արվեստի թանգարանի, Հայոց ցեղասպանության թանգարան-իստիտուտի, Հովհաննես Շարամբեյանի անվան ժողովրդական արվեստների թանգարանի, Սարդարապատի հուշահամալիրի, Հայոց ազգագրության և ազատագրական պայքարի պատմության ազգային թանգարանի մասնակցությամբ։

https://matenadaran.am/2024/05/01/%d5%b4%d5%a1%d5%b7%d5%bf%d5%b8%d6%81%d5%b5%d5%a1%d5%b6-%d5%b4%d5%a1%d5%bf%d5%a5%d5%b6%d5%a1%d5%a4%d5%a1%d6%80%d5%a1%d5%b6%d5%b8%d6%82%d5%b4-%d5%bf%d5%a5%d5%b2%d5%ab-%d5%a7-%d5%b8%d6%82%d5%b6%d5%a5-3/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր