ՀՀ դեսպան Գրիգոր Հակոբյանն այցելել է Իրանի և Եվրասիայի ուսումնասիրությունների ինստիտուտ

27 հոկտեմբերի, 2025

Հոկտեմբերի 27-ին ՀՀ դեսպան Գրիգոր Հակոբյանն այցելել է Իրանի և Եվրասիայի ուսումնասիրությունների ինստիտուտ (IRAS), որտեղ հանդիպել է ինստիտուտի տնօրեն, ԻԻՀ նախագահի՝ քաղաքական հարցերով խորհրդական Մեհդի Սանայիին, ինչպես նաև ինստիտուտի՝ Հայաստանի հարցերով զբաղվող փորձագետների հետ:

Հանդիպման ընթացքում ՀՀ դեսպան Գրիգոր Հակոբյանն իրանցի փորձագետներին է ներկայացրել Հայաստան-Իրան հարաբերությունների ներկա վիճակը, առկա ծրագրերը, Հայաստանի և Ադրբեջանի միջև հարաբերությունների կարգավորմանն ու տարածաշրջանում խաղաղության հաստատմանը միտված վերջին գործընթացները:

Դեսպան Հակոբյանը անդրադարձել է նաև օգոստոսի 8-ին Վաշինգտոնում Հայաստանի, Ադրբեջանի և ԱՄՆ ղեկավարների ստորագրած համատեղ հռչակագրի շրջանակում է տարածաշրջանի տնտեսական ենթակառուցվածքների ապաշրջափակման գործընթացին՝ շեշտելով, որ այն տեղի է ունենալու երկրների տարածքային ամբողջականության, ինքնիշխանության, իրավազորության և փոխադարձության սկզբունքների լիակատար հարգման շրջանակներում:

Հարց ու պատասխանի ձևաչափով մտքեր են փոխանակվել տարածաշրջանային զարգացումների, արդի մարտահրավերների վերաբերյալ Հայաստանի և Իրանի դիրքորոշումների շուրջ, պայմանավորվածություն է ձեռք բերվել շարունակել նման ձևաչափով հանդիպումներն ու կարծիքների փոխանակումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր