Հայոց ցեղասպանության100-րդ տարելիցին նվիրված համերգ Թեհրանում

22 փետրվարի, 2015

Փետրվարի 22-ին Թեհրանում` Հայ մշակութային «Արարատ» կազմակերպության «Կոմիտաս» սրահում, Հայոց ցեղասպանության 100-րդ տարելիցի Թեհրանի Հայոց Թեմի հանձնախմբի նախաձեռնությամբ և Իրանում ՀՀ դեսպանության աջակցությամբ տեղի ունեցավ համերգ` նվիրված Ցեղասպանության 100-րդ տարելիցին:

Միջոցառմանը ներկա էին հասարակական-քաղաքական և մշակութային գործիչներ, դիվանագետներ, լրագրողներ:

Համերգից առաջ ելույթ ունեցավ ՀՀ-ում Ուրուգվայի դեսպան (նստավայրը՝ Թեհրան) Խուան Կառլոս Օխեդան, ով իր խոսքում մասնավորապես ասաց. «Ուրուգվայի ողջ ժողովուրդը համոզված է, որ Հայոց ցեղասպանության հիշատակմամբ և դատապարտմամբ կարելի է կանխել հետագա հնարավոր ցեղասպանությունները: Ցավոք, դեռ աշխարհը շարունակում է ականատեսը լինել մարդկության դեմ շարունակվող վայրագությունների: Ուրուգվայը համոզված է, որ երկխոսությունը և մարդկանց միջև շփումները կկանխեն կրոնական և ազգամիջյան ընդհարումները»:

Միջոցառման ընթացքում ցուցադրվեց Հայոց ցեղասպանության մասին կարճամետրաժ ֆիլմ, որից հետո լարային քառյակի կատարմամբ հնչեցին Կոմիտասի մեղեդիները, իսկ «Մաշտոց» երգչախումբը կատարեց օպերային արիաներ, ժողովրդական, դասական և հոգևոր երգեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր