Հայոց Ցեղասպանության 100-ամյակին նվիրված միջոցառում

21 ապրիլի, 2015

Ապրիլի 21-ին Հայոց Ցեղասպանության 100-րդ տարելիցի կենտրոնական հանձնաժողովի և իրանական Բոխարա պարբերականի խմբագրության հետ համագործակցությամբ տեղի ունեցավ Հայոց Ցեղասպանության 100-ամյակին նվիրված միջոցառում հետևյալ օրակարգով՝
- հայոց պատմությանը նվիրված ֆիլմի ցուցադրություն
- զեկույց նվիրված հայ դասական և ժամանակակից գրականությանը
- ռումինահայ գրող Վարուժան Ոսկանյանի Հայոց Ցեղասպանության թեմայով գրված Շշուկների մատյան գրքի ներկայացում իրանական ընթերցողին
Ցուցադրված ֆիլմը նվիրված էր հայ մշակույթի բազմադարյա պատմությանը, սկսած ուրարտական ժամանակներից ու հայ գրերի գյուտից մինչև 20-րդ դարի սկիզբը, 1915 թվականի իրադարձությունները, մինչև անկախ Հայաստանի ստեղծման ու զարգացման տարիները:
Միջոցառման սկզբում ելույթ ունեցավ ՀՀ դեսպան Արտաշես Թումանյանը: Նա խոսեց Թուրքիայի իշխանությունների կողմից իրականացված ցեղասպանության քաղաքականության, հայ ժողովրդի կրած տառապանքների ու կորուստների, ինչպես նաև հայ-իրանական մշակութային կապերի, երկու երկրների մտավորական հատվածների փոխգործակցության խորացման անհրաժեշտության մասին:
Ա. Թումանյանը դրվատանքի խոսքեր ասաց Վ. Ոսկանյանի Շշուկների մատյան գրքի մասին:
Հայ գրականության անցած ճանապարհի ընդարձակ և հանգամանալից զեկուցումով հանդես եկավ Հայոց Ցեղասպանության 100-ամյակի կենտրոնական հանձնաժողովի փոխատենապետ Վարուժ Սուրենյանն առանձնահատուկ տեղ հատկացրեց ցեղասպանության հետևանքով նահատակված հայ գրականության երևելի ներկայացուցիչների կյանքին և ստեղծագործությանը:
Այնուհետև Շշուկների մատյան գրքի պարսկերենի թարգմանիչ Գ. Սարգսյանը իրանական լսարանին ներկայացրեց գրքի բովանդակությունը, գեղարվեստական արժեքը առանձին տեղ հատկացնելով ցեղասպանության խնդիրներին:
Լսարանի վրա մեծ տպավորություն թողեց Շշուկների մատյան գրքի առանձին հատվածների պարսկերեն ընթերցումը:
Վերջում Բոխարա պարբերականի գլխավոր խմբագիր Ա. Դեհբաշին ամփոփեց միջոցառումը և շնորհակալություն հայտնեց մասնակիցներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր