ՀՀ դեսպանը հավատարմագրերը հանձեց ԻԻՀ նախագահին

12 մայիսի, 2015

Մայիսի 12-ին ԻԻՀ-ում ՀՀ դեսպան Արտաշես Թումանյանն իր հավատարմագրերը հանձնեց ԻԻՀ Նախագահ Հասան Ռոհանիին:
Նախագահ Ռոհանին գոհունակություն հայտնեց Հայաստանի և Իրանի միջև առկա բարեկամական և փոխշահավետ հարաբերություններից և նշեց, որ երկու երկրների հարաբերությունների զարգացման համար որևէ խոչընդոտ գոյություն չունի և տնտեսական, մշակութային ու քաղաքական ոլորտներում համագործակցության ընդլայնումը շահավետ է երկու երկրների համար: ԻԻՀ Նախագահը խնդրեց դեսպանին իր ջերմ ողջույնները փոխանցել ՀՀ Նախագահ Սերժ Սարգսյանին:
Դեսպան Թումանյանը, ԻԻՀ Նախագահ Հ. Ռոհանիին փոխանցելով ՀՀ Նախագահ Ս. Սարգսյանի ջերմ ողջույնները, հավաստիացրեց, որ ջանքեր չի խնայի Հայաստանի և Իրանի միջև հարաբերությունների առավել զարգացման ուղղությամբ և ընդգծեց միջպետական նախագծերի կարևորությունը:
ԻԻՀ Նախագահը կարևորեց համատեղ նախագծերի իրականացման ուղղությամբ հետևողականության ցուցաբերումը և հավելեց, որ Հայաստանը և Իրանը, բացի երկկողմ համագործակցությունից, լավագույնս փոխգործակցում են նաև միջազգային ասպարեզում:
Նախագահ Ռոհանին բարձր գնահատեց նաև Իրանի հայ համայնքի դերը և հավելեց, որ երկու ժողովուրդների առավել փոխճանաչման համար, անհրաժեշտ է զարգացնել շփումերը` օգտվելով զբոսաշրջային կարողություններից, ինչպես նաև ակտիվացնել գիտական և համալսարանական փոխադարձ կապերը:
Հաջողություն մաղթելով ՀՀ դեսպանին իր գործունեության մեջ, ԻԻՀ Նախագահը հույս հայտնեց, որ նրա առաքելության ընթացքում երկկողմ հարաբերությունները բոլոր որլորտներում առավել կընդլայնվեն և կխորանան:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր