Դեսպան Թումանյանն ընդունեց Հայաստանի ֆրանսիական համալսարանի ռեկտորին

16 մայիսի, 2016

Մայիսի 16-ին ՀՀ դեսպան Ա.Թումանյանը հանդիպեց աշխատանքային այցով Իրանում գտնվող Հայաստանի ֆրանսիական համալսարանի ռեկտոր, դոկտոր-պրոֆեսոր Ժան-Մարկ Լավեստին և նույն համալսարանի արտաքին կապերի, կրթական ծրագրերի համակարգման և որակի գծով պրոռեկտոր, մանկավարժական գիտությունների դոկտոր Արայիկ Նավոյանին:
Հյուրերը ներկայացրեցին Իրան այցելության իրենց ծրագրերը և Իրանի գիտական շրջանակների հետ ունեցած հանդիպումները:
Դեսպան Ա. Թումանյանը, կարևորելով Իրանի հետ գիտակրթական բնագավառում համագործակցությունը, նշեց, որ Հայաստանն այդ ոլորտում Իրանի հետ ունի համագործակցության մեծ փորձ և ՀՀ դեսպանության պատրաստակամությունը հայտնեց Հայաստանի ֆրանսիական համալսարանին ամենայն աջակցություն ցուցաբերելու հարցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր