Ցուցահանդեսների կազմակերպում Երևանում և Թեհրանում

17 մայիսի, 2016

ԻԻՀ-ում ՀՀ դեսպանության նախաձեռնությամբ սկսված գործընթացը, կապված երկու երկրներում արտադրված ապրանքների և մատուցվող ծառայությունների ցուցահանդեսների կազմակերպման հետ, հասել է իր հանգրվանին:
Ս.թ. մայիսի 17-ին <Իրանի Միջազգային Ցուցահանդեսներ> ընկերության տարածքում տեղի ունեցավ ԻԻՀ-ում ՀՀ դեսպան Արտաշես Թումանյանի և ԻԻՀ արդյունաբերության, հանքերի և առևտրի նախարարի տեղակալ, <Իրանի Միջազգային Ցուցահանդեսներ> ընկերության գործադիր տնօրեն Հոսեյն Էսֆահբոդիի հանդիպումը, որտեղ ամփոփվեցին վերջին ամիսներին վերոնշյալ խնդրի կապակցությամբ իրականացված աշխատանքները:
Հանդիպմանը նշվեց, որ <Հայաստանի Զարգացման Հիմնադրամի> և <Իրանի Միջազգային Ցուցահանդես Ընկերության> միջև երկկողմ համագործակցության վերաբերյալ ստորագրված Փոխըբռնման հուշագիրը կնպաստի Հայաստանի և Իրանի միջև առևտրային կապերի խորացմանը և ներդրումային ծրագրերի իրականացմանը:
Հոսեյն Էսֆահբոդին նշեց, որ <Իրանի Միջազգային Ցուցահանդեսներ> ընկերության տնօրինությունը պատրաստ է ապահովել անհրաժեշտ բոլոր պայմանները ս.թ. հոկտեմբերի 5-8 <Իրանի Միջազգային Ցուցահանդեսներ> ընկերության տարածքում <Հայաստան Էքսպո 2016> առաջին ցուցահանդեսը կազմակերպելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր