Դեսպան Արտաշես Թումանյանի և <Իրանի Միջազգային Ցուցահանդես Ընկերության> տնօրենների խորհրդի նախագահի հանդիպումը

17 մայիսի, 2016

Մայիսի 17-ին ԻԻՀ-ում ՀՀ դեսպան Արտաշես Թումանյանի և ԻԻՀ արդյունաբերության, հանքերի և առևտրի նախարարի տեղակալ, <Իրանի Միջազգային Ցուցահանդես Ընկերության> տնօրենների խորհրդի նախագահ, գործադիր տնօրեն Հոսեյն Էսֆահբոդիի ներկայությամբ <Իրանի Միջազգային Ցուցահանդեսներ> ընկերության տարածքում տեղի ունեցավ <Հայաստանի Զարգացման Հիմնադրամի> և <Իրանի Միջազգային Ցուցահանդես Ընկերության> միջև երկկողմ համագործակցության վերաբերյալ Փոխըբռնման հուշագրի ստորագրման արարողությունը:
Փոխըբռնման հուշագիրը սահմանում է <Հայաստանի Զարգացման Հիմնադրամի> և <Իրանի Միջազգային Ցուցահանդես Ընկերության> հանձնառությունը հայկական և իրանական արտադրանքների և ծառայությունների ցուցահանդեսների կազմակերպման կապակցությամբ:
Հուշագիրը ստորագրել են <Հայաստանի Զարգացման Հիմնադրամի> գործադիր տնօրենի լիազորված ներկայացուցիչ Հայկ Միրզոյանը և <Իրանի Միջազգային Ցուցահանդես Ընկերության> ցուցահանդեսների հարցերով գործադիր տնօրենի տեղակալ Մ. Ղանբարին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր