ՀՀ քննչական կոմիտեի նախագահի այցն Իրան

28 դեկտեմբերի, 2016

Դեկտեմբերի 23-28-ին ԻԻՀ վերահսկողության գլխավոր կազմակերպության նախագահ Ղազի Նասեր Սերաջի հրավերով Թեհրանում էր գտնվում ՀՀ քննչական կոմիտեի նախագահ Աղվան Հովսեփյանի գլխավորած պատվիրակությունը: Այցի շրջանակներում տեղի ունեցան մի շարք կարևոր հանդիպումներ:
ԻԻՀ վերահսկողության գլխավոր կազմակերպության նախագահի հետ հանդիպման ընթացքում կողմերը գոհունակություն հայտնեցին երկու երկրների իրավապահ մարմինների միջև ձևավորված արդյունավետ համագործակցության կապակցությամբ: Մասնավորապես, կարևորվեց անդրազգային հանցավորության դեմ պայքարում միմյանց իրավական օգնություն ցուցաբերելու, թմրամիջոցների ապօրինի շրջանառության, կիբեր և կոռուպցիոն հանցագործությունների բացահայտման, քննության առանձնահատկությունների վերաբերյալ փորձի փոխանակման, քաղաքացիների և իրավաբանական անձանց իրավունքների ու ազատությունների պաշտպանության կազմակերպման խնդիրները:
ՀՀ քննչական կոմիտեի նախագահ Աղվան Հովսեփյանի գլխավորած պատվիրակությունը եղավ նաև ԻԻՀ-ում ՀՀ դեսպանությունում, որտեղ հանդիպեց դեսպան Արտաշես Թումանյանի, դեսպանության անձնակազմի հետ, ծանոթացավ ՀՀ դիվանագիտական առաքելության աշխատանքներին: Դեսպան Թումանյանի հետ զրույցի ընթացքում տրվեց Հայաստան-Իրան համագործակցության ներկա վիճակի գնահատականը, քննարկվեցին երկկողմ հարաբերությունների ընդլայնմանը վերաբերող մի շարք խնդիրներ:
Հայկական պատվիրակությունը Թեհրանի «Արարատ» մարզամշակութային համալիրում նաև մասնակցեց ՀՀ դեսպանության կազմակերպած հանդիպմանն իրանահայ համայնքի ներկայացուցիչների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր