Հանդիպում չինացի գործարարի հետ

20 փետրվարի, 2017

Փետրվարի 20-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց չինական ընկերություններին իրանական տնտեսական ծրագրերում ներգրավման ուղղությամբ մասնագիտացած, միջնորդական ծառայություններ մատուցող գործարար Ֆան Ջիանպինգին:
Հանդիպման ընթացքում գործարար Ֆան Ջիանպինգը նշեց, որ իր ղեկավարած խմբի միջնորդական գործունեության արդյունքում ներկայումս չինական մի շարք ընկերություններ իրականացնում են ծրագրեր նավթի, գազի, նավթաքիմիայի, էներգետիկայի, երկաթուղու և ավտոճանապարհների շինարարության, դեղագործության և այլ ոլորտներում:
Դեսպան Թումանյանը ներկայացրեց Հայաստանում տնտեսական գործունեություն իրականացնելու և ներդրումներ կատարելու հնարավորությունները, ինչպես նաև առանձին ենթակառուցվածքային ծրագրերի մասին տեղեկություններ: Մասնավորապես, չինացի գործարարին փոխանցվեցին տեղեկատվական նյութեր Իրան-Հայաստան երկաթուղու, հյուսիս-հարավ ավտոճանապարհի և Մեղրիում ծրագրված ազատ տնտեսական գոտու վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր