Դեսպանը հանդիպեց Թեհրանի առևտրի պալատի նախագահի հետ

21 փետրվարի, 2017

Փետրվարի 21-ին տեղի ունեցավ ԻԻՀ-ում ՀՀ արտակարգ և լիազոր դեսպան Արտաշես Թումանյանի հանդիպումը Թեհրանի առևտրի, արդյունաբերության, հանքերի և գյուղատնտեսության պալատի նախագահ Մասուդ Խանսարիի հետ:
Հանդիպման ընթացքում քննարկվեցին Հայաստան-Իրան տնտեսական հարաբերությունների զարգացման խնդիրները:
ՀՀ դեսպանը տեղեկացրեց, որ ս.թ. հունիս ամսին նախատեսվում է Թեհրանում անցկացնել ՏՏ, հեռահաղորդակցության և բարձր տեխնոլոգիաների ոլորտների ձեռնարկությունների գործարար համաժողով: Կողմերը պայմանավորվեցին անհրաժեշտ ջանքեր գործադրել՝ համաժողովի արդյունավետությունն ապահովելու համար:
Անդրադարձ եղավ տրանսպորտային ծառայությունների ոլորտի զարգացման խնդիրներին և այդ առումով պայմանավորվածություն ձեռք բերվեց հրավիրել համապատասխան մարմինների ներկայացուցիչների և մասնագետների խորհրդակցություն:
Կողմերը քննարկեցին գործարար շրջանակների տեղեկացվածության ապահովման ուղղությամբ համագործակցության հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր