ԻԻՀ ԱԳ նախարարն ընդունեց ԱՊՀ երկրների ներկայացուցիչներին

04 մարտի, 2017

Մարտի 4-ին ԱՊՀ երկրների և Իրանի միջև դիվանագիտական հարաբերությունների հաստատման 25-րդ տարեդարձի կապակցությամբ ԻԻՀ ԱԳ նախարար Մոհամադ Ջավադ Զարիֆը հիշյալ երկրների դեսպաններին հրավիրեց ընդունելության: Նախարար Զարիֆն, անկախության առթիվ շնորհավորական խոսքեր և բարեմաղթանքներ հնչեցնելով, ընդգծեց ԱՊՀ երկրների ռազմավարական նշանակությունն Իրանի համար: ԱԳ նախարարը նաև անդրադարձավ տարածաշրջանային համագործակցության ընդլայնման խնդիրներին՝ կարևորելով ահաբեկչության և ծայրահեղականության դեմ համատեղ պայքարը:
ԱՊՀ երկրների դեսպանները ներկայացրեցին անցած ժամանակահատվածում Իրանի հետ երկկողմ և տարածաշրջանային համագործակցության արդյունքներն ու առաջիկա ծրագրերը:
ԻԻՀ-ում ՀՀ դեսպանությունից հանդիպմանը մասնակցեց դեսպանության խորհրդական Սահակ Եղիազարյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր