Հանդիպում ԻԻՀ Մեջլիսի Իրան-Հայաստան բարեկամության խորհրդարանական խմբի հետ

12 մարտի, 2017

Մարտի 12-ին Իրանի Մեջլիսում տեղի ունեցավ Իրանի Իսլամական Հանրապետությունում Հայաստանի Հանրապետության արտակարգ և լիազոր դեսպան Արտաշես Թումանյանի հանդիպումն Իրան-Հայաստան բարեկամության խորհրդարանական խմբի նախագահ Ռամեզանալի Սոբհանիֆարի և հիշյալ խմբի մի շարք անդամների հետ:
Հանդիպման ընթացքում Ռամեզանալի Սոբհանիֆարը ներկայացրեց Մեջլիսի գործունեությունը, մասնավորապես միջխորհրդարանական աշխատանքները:
Դեսպան Թումանյանը կարևորեց երկու երկրների խորհրդարանների համագործակցությունը և ներկայացրեց վերջին շրջանում երկկողմ հարաբերությունների նոր զարգացումները:
Կողմերն անդրադարձան վիզային ռեժիմի վերացման, զբոսաշրջության ոլորտի զարգացման, տնտեսական և մշակութային կապերի խորացման խնդիրներին և այդ բնագավառներում խորհրդարանական դիվանագիտության կարևորությանը:
Զրույցի ընթացքում դեսպան Թումանյանը տեղեկացրեց Մեղրիում՝ իրանական սահմանի մերձակայքում, ազատ տնտեսական գոտու ստեղծման վերաբերյալ և պատգամավորներին կոչ արեց իրենց ընտրատարածքներում աջակցել գործարար շրջանակներին երկկողմ տնտեսական ծրագրերի մասին իրազեկման հարցերում:
Կողմերը վստահություն հայտնեցին, որ Հայաստանի Հանրապետությունում Ազգային ժողովի ընտրություններից հետո կվերսկսվեն երկու երկրների միջխորհրդարանական աշխատանքները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր