ՀՀ դեսպանի հանդիպումն Իրանի ներդրումների, տնտեսական և տեխնիկական աջակցման կազմակերպության նախագահի հետ

24 մայիսի, 2017

Մայիսի 24-ին տեղի ունեցավ ԻԻՀ-ում ՀՀ արտակարգ և լիազոր դեսպան Արտաշես Թումանյանի հանդիպումն Իրանի ներդրումների, տնտեսական և տեխնիկական աջակցման կազմակերպության նախագահ Մոհամմադ Խազայիի հետ` վերջինիս նախաձեռնությամբ:
Դեսպան Թումանյանն իր շնորհավորանքները փոխանցեց Մոհամմադ Խազայիին՝ Իրանում նախագահական ընտրությունների բարձր քաղաքական մակարդակով անցկացման կապակցությամբ:
Հանդիպման ընթացքում քննարկվեցին Հայաստան-Իրան տնտեսական հարաբերություններին և տարածաշրջանային արդի գործընթացներին առնչվող մի շարք հարցեր: Անդրադարձ եղավ Հայաստան-Իրան խոշոր ենթակառուցվածքային ծրագրերի իրականացման, փոխադարձ ներդրումների խրախուսման, երկկողմ տնտեսական հարաբերություններում մասնավոր հատվածի ներգրավման և համատեղ արտադրությունների կազմակերպման խնդիրներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր