Հանդիպում Կենտրոնական նահանգի փոխնահանգապետի և «Boostani Jewelry» ընկերության ներկայացուցիչների հետ

31 մայիսի, 2017

Մայիսի 31-ին Իրանում Հայաստանի դեսպան Արտաշես Թումանյանն ընդունեց ԻԻՀ Կենտրոնական նահանգի փոխնահանգապետ Զաֆար Աֆշունին, որին ուղեկցում էին թանկարժեք և կիսաթանկարժեք քարերի արտադրությամբ և վերամշակմամբ զբաղվող «Boostani Jewelry» իրանական ընկերության ներկայացուցիչները:

Փոխնահանգապետը տեղեկացրեց, որ ԻԻՀ կառավարությունը նախաձեռնել է մի շարք նահանգներում հիմնել թանկարժեք և կիսաթանկարժեք քարերի արտադրություններ բնակչության զբաղվածության մակարդակը բարձրացնելու համար, և Կենտրոնական նահանգում այդ ծրագրերի իրագործումն իրականացնում է «Boostani Jewelry» ընկերությունը:

Ներկայացնելով ընկերության գործունեության ուղղությունները՝ վերջինիս ներկայացուցիչները նաև առաջարկություններ ներկայացրին հայաստանյան ընկերությունների և մասնագիտական կառույցների հետ համագործակցության վերաբերյալ:

Դեսպան Թումանյանը պատրաստակամություն հայտնեց աջակցել ընկերությանը ՀՀ համապատասխան պետական մարմինների և շահագրգիռ կառույցների հետ հանդիպումներ և քննարկումներ ունենալու հարցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր