Տնտեսական համագործակցության նոր հուշագիր Հայաստանի և Իրանի միջև

14 հունիսի, 2017

Հունիսի 14-ին աշխատանքային այցով Թեհրանում գտնվող ՀՀ տնտեսական զարգացման և ներդրումների նախարարի տեղակալ Էմիլ Տարասյանը հանդիպումներ է ունեցել ԻԻՀ ստանդարտների և արդյունաբերական հետազոտությունների ինստիտուտում և Իրանի նանոտեխնոլոգիայի նախաձեռնության խորհրդում:
ԻԻՀ ստանդարտների և արդյունաբերական հետազոտությունների ինստիտուտի նախագահ Նայերե Փիրուզբախտի և ԻԻՀ գյուղատնտեսության նախարարությունում Իրանի գերագույն առաջնորդի ներկայացուցիչ, այաթոլլահ Ալեմիի ներկայությամբ Էմիլ Տարասյանը և ինստիտուտի փոխնախագահ Վահիդ Մարանդի Մողադամը ստորագրել են «ՀՀ տնտեսական զարգացման և ներդրումների նախարարության և ԻԻՀ ստանդարտների և արդյունաբերական հետազոտությունների ինստիտուտի միջև համագործակցության մասին» փոխըմբռնման հուշագիր: Հուշագրով նախատեսվում է զարգացնել համագործակցությունը իսլամական «հալալ» ստանդարտի հետ կապված տարբեր ուղղություններով:
Իրանի նանոտեխնոլոգիայի նախաձեռնության խորհրդում տեղի ունեցած հանդիպման ընթացքում քննարկվել են երկկողմ հետաքրքրություն ներկայացնող մի շարք հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր