Թեհրանում անցկացվեց բնապահպանությանը նվիրված միջազգային համաժողով

05 հուլիսի, 2017

Հուլիսի 3-5-ին Թեհրանում կայացավ «Ավազի և փոշու փոթորիկների դեմ պայքար. մարտահրավերներ և գործնական լուծումներ» խորագիրը կրող միջազգային համաժողովը, որը կազմակերպվել էր ՄԱԿ-ի և ԻԻՀ կառավարության կողմից: Համաժողովին մասնակցեց 43 երկրից Թեհրան ժամանած հյուր, հայկական կողմից՝ ՀՀ բնապահպանության նախարարի առաջին տեղակալ Էրիկ Գրիգորյանը:

Բացման արարողությանը ելույթներով հանդես եկան ԻԻՀ նախագահ Հասան Ռոհանին, ԻԻՀ նախագահի տեղակալ, բնապահպանության կազմակերպության նախագահ Մասումե Էբթեքարը և ՄԱԿ-ի գլխավոր քարտուղարի օգնական Հաոլինգ Խուն:

Համաժողովի ընթացքում պատվիրակությունների ներկայացուցիչների միջև տեղի ունեցան քննարկումներ, որոնց շրջանակներում ՀՀ բնապահպանության նախարարի առաջին տեղակալ Էրիկ Գրիգորյանը հանդիպումներ ունեցավ ԻԻՀ նախագահի տեղակալ, բնապահպանության կազմակերպության նախագահ Մասումե Էբթեքարի, ԻԻՀ էներգետիկայի նախարարի առաջին տեղակալ Ալի Ռեզա Դայեմիի և ՄԱԿ-ի բնապահպանության ծրագրի ղեկավար Էրիկ Սոլհեյմի հետ:

Միջոցառմանը նաև մասնակցեցին ԻԻՀ-ում ՀՀ դեսպանության դիվանագիտական անձնակազմի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր