ԻԻՀ խորհրդարանական պատվիրակության այցը Հայաստան

01 օգոստոսի, 2017

Համաձայն ս.թ. փետրվարի 15-ին ԻԻՀ-ում ՀՀ դեսպան Արտաշես Թումանյանի և ԻԻՀ Մեջլիսի կրթության, հետազոտությունների և տեխնոլոգիաների հանձնաժողովի նախագահ Մոհամմադ Մեհդի Զահեդիի հանդիպման ժամանակ ձեռք բերված պայմանավորվածության՝ ԻԻՀ-ում ՀՀ դեսպանությունը որոշակի աշխատանքներ է կատարել միջխորհրդարանական համագործակցության շրջանակներում Հայաստանի և Իրանի միջև գիտակրթական կապերի ամրապնդման և համատեղ ծրագրերի իրականացման ուղղությամբ:

Մասնավորապես, կազմակերպվել է ԻԻՀ Մեջլիսի կրթության, հետազոտությունների և տեխնոլոգիաների հանձնաժողովի պատվիրակության այցը՝ նախապես համաձայնեցնելով այն ՀՀ կրթության և գիտության նախարարության և Ազգային ժողովի հետ:

Պատվիրակության ներկայացուցիչները Մ. Մ. Զահեդիի գլխավորությամբ հուլիսի 31-ին և օգոստոսի 1-ին Երևանում ունեցել են հանդիպումներ ՀՀ ԿԳՆ գիտության պետական կոմիտեի նախագահի, «Քենդլ» սինքրոտրոնային հետազոտությունների ինստիտուտի տնօրինության, ՀՀ գիտությունների ազգային ակադեմիայի նախագահի և ՀՀ Ազգային ժողովի գիտության, կրթության, մշակույթի, երիտասարդության և սպորտի հարցերով մշտական հանձնաժողովի նախագահի հետ:

Հանդիպումների ընթացքում քննարկվել են Հայաստանի և Իրանի կառավարությունների, խորհրդարանների և գիտակրթական հաստատությունների միջև համագործակցության խնդիրները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր