Դեսպան Թումանյանն ընդունեց Մազանդարան նահանգի գործարար պատվիրակությանը

20 օգոստոսի, 2017

Օգոստոսի 20-ին ԻԻՀ-ում ՀՀ դեսպան Արտաշես Թումանյանն ընդունեց Մազանդարան նահանգի գործարար պատվիրակությանը՝ նահանգապետարանի ներդրումների ներգրավման և պաշտպանության գլխավոր վարչության պետ Լեյլա Վասեղիի գլխավորությամբ:
Հանդիպման ըթնացքում քննարկվեցին Հայաստանում ներդրումային ծրագրերի իրականացման հնարավորությունները հետևյալ ոլորտներում.
- գյուղմթերքների վերամշակում և համատեղ գործունեության միջոցով երրորդ երկրներ (ԵԱՏՄ, ԵՄ և այլն) արտահանում,
- ենթակառուցվածքային ծրագրերի իրականացում (ճանապարհներ, շինարարություն, հյուրանոցներ և այլն)
- փաթեթավորման և պահեստավորման ոլորտում համագործակցություն
- զբոսաշրջության, կանանց գործարար ծրագրերում ընդգրկում և ձեռնարվեստի զարգացման խթանում:
Պայմանավորվածություն ձեռք բերվեց քննարկմանը մասնակցող գործարարների համար Հայաստանում անհրաժեշտ հանդիպումներ կազմակերպել:
ՀՀ դեսպանը հավաստիացրեց, որ համակողմանի աջակցություն կցուցաբերվի հիշյալ ծրագրերի իրականացմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր