ՀՀ դեսպանն ընդունեց Ասորական Համաշխարհային Դաշինքի գլխավոր քարտուղարին

21 օգոստոսի, 2017

Օգոստոսի 21-ին դեսպան Արտաշես Թումանյանն ընունեց Ասորական Համաշխարհային Դաշինքի գլխավոր քարտուղար, ԻԻՀ մեջլիսի պատգամավոր Յոնաթան Բեթկոլիային և ԻԻՀ մեջլիսի հյուսիսային իրանահայության պատգամավոր Կարեն Խանլարյանին:

Հանդիպման ընթացքում Բեթկոլիան ներկայացրեց Ասորական Համաշխարհային Դաշինքի գործունեությունը, խոսեց աշխարհի տարբեր երկրներում սփռված ասորական համայնքերի մասին: Նա իր երախտագիտությունը հայտնեց Հայաստանի իշխանություններին և ժողովրդին՝ Օսմանյան կայսրության կողմից իրականացված ասորի ժողովրդի ցեղասպանության ճանաչման կապակցությամբ, ինչպես նաև գոհունակությամբ նշեց, որ ՀՀ ԱԺ-ում ազգային փոքրամասնությունների քվոտայով առաջին անգամ ասորի պատգամավոր է ընտրվել:

Դեսպան Թումանյանն իր հերթին անդրադարձավ հայ-ասորական դարավոր բարեկամությանը և երկու ժողովուրդների պատմամշակութային կապերին և ընդհանրություններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր