ԻԻՀ-ում ՀՀ դեսպանն ընդունեց Իրանի արվեստագետների տան գլխավոր տնօրենին

28 օգոստոսի, 2017

Օգոստոսի 28-ին տեղի ունեցավ ԻԻՀ-ում ՀՀ դեսպան Արտաշես Թումանյանի հանդիպումը Իրանի արվեստագետների տան գլխավոր տնօրեն Մաջիդ Ռաջաբի Մեմարի հետ: Հանդիպման սկզբում ՀՀ դեսպանը շնորհակալություն հայտնեց նրան այս տարվա հուլիսի 23-29-ը Իրանում հայկական ֆիլմերի շաբաթվա միջոցառման կազմակերպմանն աջակցելու համար և նշեց, որ դեսպանությունը նախատեսում է այն դարձնել ամենամյա ծրագիր:
Իրանի արվեստագետների տան գլխավոր տնօրենը համաձայնեց դեսպան Թումանյանի առաջարկությանը և իր պատրաստակամությունը հայտնեց այս և այլ նախաձեռնությունները համատեղ իրականացնելու հարցում:
Մասնավորապես խոսվեց երաժշտության, թատրոնի, գեղանկարչության և մի շարք այլ ոլորտներում համագործակցությունը խորացնելու շուրջ:
Հանդիպմանը մասնակցեցին նաև դեսպանության խորհրդական Սահակ Եղիազարյանն ու դեսպանի օգնական Նորայր Մեհրաբյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր