ՀՀ դեսպանն ընդունեց Իրան-Հայաստան առևտրի պալատի նորընտիր ղեկավարությանը

01 սեպտեմբերի, 2017

Սեպտեմբերի 1-ին ԻԻՀ-ում ՀՀ դեսպան Արտաշես Թումանյանն ընդունեց Իրան-Հայաստան առևտրի պալատի խորհրդի անդամներին և շնորհավորեց ընտրվելու կապակցությամբ:
Դեսպան Թումանյանը նշեց, որ ներկայումս Հայաստան-Իրան տնտեսական հարաբերությունները գտնվում են իրենց զարգացման կարևոր փուլում և պալատի նոր ձևավորված կազմից սպասվում են ակտիվ գործողություններ, որոնք կնպաստեն երկկողմ հետաքրքրություն ներկայացնող խնդիրների լուծմանը, առևտրային և ներդրումային ծրագրերի իրականացմանը, ինչպես նաև ակտիվ տեղեկատվական-քարոզչական աշխատանքի կազմակերպմանը: Դեսպան Թումանյանն ընդգծեց, որ անհրաժեշտ է հաշվի առնել անցյալում կատարված աշխատանքների փորձը, ձեռքբերումները, ինչպես նաև առաջացած հիմնախնդիրներն ու դժվարությունները:
Իրան-Հայաստան առևտրի պալատի նախագահ Հերվիկ Յարիջանյանը շնորհակալություն հայտնեց ՀՀ դեսպանին և հավաստիացրեց, որ պալատի ղեկավարությունը պատրաստ է առավելագույն ջանքեր ներդնել Իրան-Հայաստան տնտեսական կապերն ամրապնդելու, առկա ողջ ներուժը արդյունավետ կերպով օգտագործելու համար: Յարիջանյանը հույս հայտնեց, որ ԻԻՀ-ում ՀՀ դեսպանությունը կաջակցի պալատին իր աշխատանքների կազմակերպման գործում:
ՀՀ դեսպանը հաջողություն ցանկացավ Իրան-Հայաստան առևտրի պալատի խորհրդի անդամներին և հավաստիացրեց համագործակցության պատրաստակամության մեջ:
Հանդիպմանը ներկա էր նաև դեսպանության խորհրդական Սահակ Եղիազարյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր