Մազանդարանի նահանգապետի այցը ՀՀ դեսպանություն

21 սեպտեմբերի, 2017

Սեպտեմբերի 21-ին Թեհրանում ՀՀ դեսպանություն այցելեց ԻԻՀ Մազանդարան նահանգի նահանգապետ Ռաբիֆալահ Ջելոդարը: ՀՀ դեսպանի և դեսպանության անձնակազմի հետ հանդիպման ընթացքում Ջելոդարը շնորհավորեց Հայաստանի անկախության 26-րդ տարեդարձի կապակցությամբ:
Դեսպան Թումանյանը շնորհակալություն հայտնեց նահանգապետ Ջելոդարին շնորհավորանքի և ջերմ վերաբերմունքի համար:
Հանդիպման ընթացքում քննարկվեցին ՀՀ դեսպանի այս տարվա հուլիսի 15-16-ը Մազանդարան նահանգ կատարած այցելության ընթացքում ձեռք բերված պայմանավորվածությունների իրականացման ընթացքը: Մասնավորապես անդրադարձ եղավ համատեղ տնտեսական ծրագրերին, զբոսաշրջության զարգացման խնդիրներին, ինչպես նաև միջմարզային համագործակցության հնարավորություններին: Դեսպան Թումանյանն առաջարկեց Ջելոդարին այցելություն ունենալ ՀՀ, ինչին վերջինս դրական պատասխան տվեց:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր