Ընդունելություն ՀՀ դեսպանությունում

04 հոկտեմբերի, 2017

Հոկտեմբերի 4-ին ԻԻՀ-ում ՀՀ դեսպան Արտաշես Թումանյանի տիկնոջ՝ Անահիտ Շահվերդյանի հրավերով իրանահայ համայնքի մշակութային, կրթական և այլ հասարակական կառույցների մի շարք կին ներկայացուցիչներ հյուրընկալվեցին դեսպանությունում:
Դեսպան Արտաշես Թումանյանը, ողջունելով հյուրերին, նշեց, որ ԻԻՀ-ում ՀՀ դեսպանության համար նման հանդիպումները, կապը համայնքային կառույցների և հատկապես համայնքի հոգսերն իրենց ուսերին կրող, ակտիվ կենսադիրքորոշում ունեցող և հայ-իրանական հարաբերությունների զարգացմամբ մտահոգ անհատների հետ, չափազանց օգտակար է:
ՀՀ դեսպանն իր խոսքում ներկայացրեց հայ-իրանական հարաբերությունների ներկա վիճակը, իրականացվող ծրագրերը, զարգացման հեռանկարները՝ ընդգծելով Հայաստան-Իրան համագործակցության խորացման մեջ հայ համայնքի մեծ դերը:
Հանդիպմանը ներկա կանայք, առանձին խնդիրների շուրջ ծավալված քննարկումներից և մտքերի փոխանակումից հետո, երախտագիտության խոսք հայտնեցին դեսպանության անձնակազմին՝ կազմակերպած ընդունելության համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր