«Rah Shahr» միջազգային խմբի տնօրինությունը հյուրընկալվեց ՀՀ դեսպանությունում

05 հոկտեմբերի, 2017

Հոկտեմբերի 5-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց իրանական «Rah Shahr» միջազգային խմբի տնօրինությանը: Խումբն զբաղվում է Իրանում և արտասահմանում զարգացման և ենթակառուցվածքային տարբեր ծրագրերի իրականացմամբ։
Դեսպան Թումանյանը հյուրերին ներկայացրեց ՀՀ տնտեսության առանձնահատկությունները, ազատ տնտեսական գոտիները (մասնավորապես Իրանի հետ սահմանի հարևանությամբ կառուցվող Մեղրիի ազատ տնտեսական գոտու զարգացման հեռանկարները), գործող առևտրային ռեժիմները, գործարար միջավայրի վիճակը, ինչպես նաև հայ և իրանցի տնտեսվարողների միջև համատեղ ծրագրերի իրականացման հնարավորությունները և այլն:
«Rah Shahr» միջազգային խմբի գլխավոր տնօրենը պատրաստակամություն հայտնեց տնտեսական գործունեություն ծավալել Հայաստանում՝ նշելով, որ խումբը հետաքրքրված է մասնավորապես Մեղրիի ազատ տնտեսական գոտու զարգացման ծրագրերով և առաջիկայում պատրաստ է ՀՀ համապատասխան պետական մարմինների և շահագրգիռ կազմակերպությունների հետ քննարկել ներդրումային հնարավորությունները։
Դեսպան Թումանյանը խոստացավ աջակցել «Rah Shahr» միջազգային խմբին հայկական կողմի հետ անհրաժեշտ կապերի հաստատման հարցում և կազմակերպել վերջիններիս հանդիպումները հայ հնարավոր գործընկերների հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր