«Արմենպրես» գործակալության տնօրենի այցը Թեհրան

24 հոկտեմբերի, 2017

Հոկտեմբերի 20-24-ին Իրանում էր գտնվում «Արմենպրես» պետական լրատվական գործակալության տնօրեն Արամ Անանյանը: Այցի շրջանակներում «Արմենպրես» և իրանական «IRNA» լրատվական գործակալությունները տեղեկատվության ոլորտում ստորագրեցին համագործակցության վերաբերյալ փոխըմբռնման հուշագիր:

Երկու երկրների լրատվական գործակալությունների միջև համագործակցային հարաբերությունների հաստատման գործում ակտիվ դերակատարում էր ունեցել ԻԻՀ-ում ՀՀ դեսպանությունը:

«Արմենպրեսի» տնօրեն Արամ Անանյանը և «IRNA»-ի տնօրեն Մոհամադ Խոդադին պայմանավորվածություն ձեռք բերեցին համատեղ ցուցահանդեսի կազմակերպման վերաբերյալ, քննարկեցին տեխնոլոգիաների, արհեստական ինտելեկտի և սոցիալական ցանցերի ոլորտներում համագործակցությանն առնչվող մի շարք խնդիրներ:

Կողմերն ընդգծեցին համաշխարհային մեդիա ասոցիացիաներում «Արմենպրեսի» և «IRNA»-ի համագործակցության, լրագրողների համար ուսումնական կուրսերի կազմակերպման, փորձի փոխանակման անհրաժեշտությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր