Դեսպան Թումանյանի այցը Ղոմի արդյունաբերական ձեռնարկություններ

08 նոյեմբերի, 2017

Նոյեմբերի 8-ին ԻԻՀ-ում ՀՀ դեսպան Արտաշես Թումանյանը եղավ Ղոմ քաղաքի «Շոքուհիե» արդյունաբերական ավանում, որտեղ այցելեց մի շարք արտադրական ձեռնարկություններ, այդ թվում՝
- «Rad Sane ATTI» կոմպոզիտային բալոնների արտադրական ընկերություն,
- «East Cool» սառնարանների արտադրության ընկերություն,
- Խմորեղենի արտադրության «Duel» ձեռնարկություն,
- Հատակապատման նյութերի արտադրական ձեռնարկություն,
- Կենցաղային իրերի արտադրական ընկերություն:

Բոլոր հանդիպումների ընթացքում դեսպան Ա. Թումանյանը վերը նշված ընկերությունների ներկայացուցիչներին տեղեկություններ փոխանցեց ՀՀ տնտեսության վիճակի, Հայաստան-Իրան տնտեսական հարաբերությունների, երկու երկրների տնտեսվարողների համատեղ գործունեություն ծավալելու հնարավորությունների, ՀՀ ներդրումային քաղաքականության, առևտրային ռեժիմների և Հայաստանի ազատ տնտեսական գոտիներում օտարերկրյա ընկերությունների գործունեություն իրականացնելու մասին:

Նշենք, որ «Rad Sane ATTI» ընկերությունն արդեն սկսել է իր ներդրումային գործունեությունը Հայաստանում և պատրաստվում է այն ընդլայնել: Մյուս չորս ընկերությունները պատրաստակամություն են հայտնել ուսումնասիրել ներդրումային համատեղ ծրագրերի իրականացման հնարավորությունները և որոշում կայացնել հետագա անելիքների վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր