Դեսպան Թումանյանն ընդունեց իրանական ընկերության զարգացման գծով տնօրենին

05 դեկտեմբերի, 2017

Դեկտեմբերի 5-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց Իրանում Իրանում և արտասահմանյան մի շարք երկրներում քիմիական նյութերի, նավթաքիմիական ապրանքների և սարքավորումների մատակարարմամբ զբաղվող իրանական ընկերության զարգացման գծով տնօրեն Մահդի Ջաֆարիին:

Դեսպան Թումանյանը որոշակի տեղեկություններ հաղորդեց զրուցակցին Հայաստանի տնտեսության, գործարար միջավայրի և հնարավոր ներդրումային ծրագրերի մասին:

Մ. Ջաֆարին ցանկություն հայտնեց տնտեսական գործունեություն սկսել Հայաստանում և տեղեկացրեց, որ իրենց ընկերության խորհուրդը պատրաստվում է քննարկել Հայաստանի հետ համագործակցության խնդիրը և այդ հարցում խնդրեց ԻԻՀ-ում ՀՀ դեսպանության աջակցությունը:

Հանդիպման վերջում ընկերության ներկայացուցչին փոխանցվեցին ՀՀ տնտեսության մասին որոշակի տեղեկատվական նյութեր և համաձայնություն ձեռք բերվեց հետագա գործակցության վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր