ՀԲԸՄ Թեհրանի մասնաճյուղի և հայկական երկու դպրոցի ներկայացուցիչների այցը դեսպանություն

14 դեկտեմբերի, 2017

Դեկտեմբերի 14-ին Հայ բարեգործական ընդհանուր միության (ՀԲԸՄ) Թեհրանի մասնաճյուղի վարչության նախագահ Նժդեհ Մութաֆյանը, վարչության անդամները, Մ. Մանուկյան և Ն. Գյուլբենկյան դպրոցների փոխտեսուչներն այցելեցին ԻԻՀ-ում ՀՀ դեսպանություն:

Ն. Մութաֆյանը պատմեց ՀԲԸՄ Թեհրանի մասնաճյուղի կատարած աշխատանքների և առաջիկա ծրագրերի մասին: Հայկական դպրոցների փոխտեսուչները ներկայացրեցին իրենց աշխատանքային պայմանները, կրթության ոլորտում իրականացվող գործունեությունը, արծարծվեցին ուսուցիչներին և աշակերտությանը հուզող մի շարք խնդիրներ:

Դեսպան Թումանյանը տեղեկություններ ներկայացրեց Հայաստանի դպրոցական և բուհական կրթության վիճակի, զարգացման արդի միտումների, հանրապետական և համահայկական գիտակրթական և մշակութային կարևորագույն ծրագրերի մասին:

ՀՀ դեսպանը պատրաստակամություն հայտնեց համագործակցել ՀԲԸՄ Թեհրանի մասնաճյուղի վարչության, Մ. Մանուկյան և Ն. Գյուլբենկյան դպրոցների ղեկավարության, ուսուցչական աշխատակազմի հետ և առաջարկեց դեսպանության աջակցությունը համահայկական ծրագրերում վերջիններիս ակտիվ ներգրավման գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր