Դեսպան Թումանյանը հանդիպեց ԻԻՀ էներգետիկայի փոխնախարարի հետ

23 ապրիլի, 2018

Ապրիլի 23-ին ԻԻՀ-ում ՀՀ դեսպան Արտաշես Թումանյանը հանդիպում ունեցավ ԻԻՀ էներգետիկայի նախարարի տեղակալ Հոմայուն Հայերիի հետ:

Հանդիպման շրջանակներում անդրադարձ կատարվեց Իրանից Հայաստան առաքվող գազի ծավալների մեծացմանը և այդ խնդրի շուրջ ԻԻՀ էներգետիկայի ու նավթի նախարարությունների միջև մոտեցումների համահարթեցմանը:

Զրուցակիցները կարևորեցին Արաքս գետի վրա կառուցվելիք Մեղրիի ՀԷԿ-ի ծրագրի շուտափույթ իրականացումը, ինչպես նաև երրորդ բարձրավոլտ գծի կառուցման աշխատանքների ակտիվացումը:

Հ. Հայերին պատրաստակամություն հայտնեց աջակցել Հայ-իրանական միջկառավարական համատեղ հանձնաժողովի որոշումների կատարմանը, մասնավորապես՝ Հայաստան առաքվող գազի ծավալների ավելացման խնդրի կապակցությամբ:

Հանդիպման վերջում դեսպան Ա. Թումանյանը տեղեկացրեց Հայաստանում ընթացող ներքաղաքական զարգացումների, ցույցերի և հանրահավաքների մասին: Նա ընդգծեց բողոքի ակցիաների խաղաղ բնույթը և ՀՀ իշխանությունների հավասարակշռված վերաբերմունքն այդ գործընթացների նկատմամբ՝ վստահություն հայտնելով, որ հայաստանյան զարգացումները կունենան բացառապես խաղաղ հանգուցալուծում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր